மக்கள் பணத்தைத் தொட வேண்டிய அவசியம் எனக்கில்லை: நெல்லையில் விஜய் பிரச்சாரம்!

» செய்திகள் - விளையாட்டு » மாவட்ட செய்தி (கன்னியாகுமரி)

மக்கள் பணத்தைத் தொட வேண்டிய அவசியம் எனக்கில்லை: நெல்லையில் விஜய் பிரச்சாரம்!

புதன் 8, ஏப்ரல் 2026 3:46:25 PM (IST)

மக்கள் பணத்தைத் தொட வேண்டிய அவசியம் எனக்கில்லை என்று நெல்லையில் நடைபெற்ற பிரச்சாரக் கூட்டத்தில் தவெக தலைவர் விஜய் பேசினார்.

மேடையில் தோன்றிய விஜய், தனது கட்சியின் கொள்கைப் பாடலின் வரிகளான, "நான் தன்னந்தனி ஆளு.. என்ன ஏளனமா பாரு.. மிரளப் போகுது ஸ்டேட்டு.. எங்க விசிலு சத்தம் கேட்டு..." என்பதைப் பாடித் தனது பேச்சைத் தொடங்கினார். தொடர்ந்து தொண்டர்களை நோக்கி, "உங்கள் விஜய் நான் வர்றேன், விசில் அடிக்க ரெடியா?" என்று அவர் கேட்டபோது மைதானமே அதிர்ந்தது.

"நாங்கள் சொல்லாததைச் செய்வோம்; ஆனால், செய்வதை மட்டும்தான் சொல்வோம். தமிழக வெற்றி கழக ஆட்சி அமைந்தவுடன் பெண்கள், இளைஞர்கள், உழைப்பாளர்கள், மீனவர்கள் என அனைவரும் நல்லா இருப்போம், நல்லாவே இருப்போம்.

மக்களின் பணத்தைத் தொட வேண்டிய அவசியம் எனக்கில்லை. இப்போது ஆட்சியில் இருப்பவர்களால் இதைத் துணிச்சலாகச் சொல்ல முடியுமா? இது மாற்றத்திற்கான தேர்தல். உங்கள் (மக்களின்) பணத்தை வைத்து எதையும் மறைக்கவோ, எங்களைத் தடுக்கவோ முடியாது.

இது ஒரு தலைமுறைக்கான தேர்தல்; மாற்றத்திற்கான தேர்தல். பல வலிகளைத் தாங்கிக்கொண்டு உங்களுக்காக வந்துள்ளேன். ஒரு அண்ணா, ஒரு காமராஜர், ஒரு எம்.ஜி.ஆர். போன்ற தலைவர்கள் மீண்டும் வரமாட்டாரா என நீங்கள் ஏங்கியது போதும்; இதோ நாங்கள் வந்துவிட்டோம்."

முத்துராமலிங்கத் தேவர், சுந்தரலிங்கனார், வ.உ.சி., அழகுமுத்துக்கோன், ஒண்டிவீரன், கட்டபொம்மன் போன்ற மாவீரர்களைப் போல மக்களுக்காக நாங்கள் உழைப்போம். வருகிற ஏப்ரல் 23-ஆம் தேதி, தயவுசெய்து 'விசில்' சின்னத்திற்கு வாக்களியுங்கள். இந்தத் தேர்தல் ஒரு 'விசில் புரட்சி' தேர்தலாக இருக்க வேண்டும்," என உருக்கமாகக் கேட்டுக்கொண்டார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

மக்கள் பணத்தைத் தொட வேண்டிய அவசியம் எனக்கில்லை: நெல்லையில் விஜய் பிரச்சாரம்!

» செய்திகள் - விளையாட்டு » மாவட்ட செய்தி (கன்னியாகுமரி)