தூத்துக்குடியில் சூரசம்ஹார நிகழ்ச்சியை முன்னிட்டு சாலைகளை சீரமைத்த பாஜகவினர்!

தூத்துக்குடியில் உள்ள கோவில்களில் நவராத்திரியின் சிகர நிகழ்ச்சியான சூரசம்ஹார விழா இன்று நடைபெற உள்ளது. தூத்துக்குடி மாநகரின் பல இடங்களில் குடிநீர் குழாய் பதிப்பதற்காக தோண்டப்பட்ட குழிகள் மூடாமலே உள்ளன. இதனால் சூரசம்ஹார நிகழ்ச்சிகளில் சப்பரங்கள் கொண்டு வருவதில் சிரமம் ஏற்படும்.

இதனை முன்னிட்டு தூத்துக்குடியில் பாஜகவினர் பல இடங்களில் சாலையை சீரமைக்கும் முயற்சியில் ஈடுபட்டு வருகின்றனர். தாமோதர் நகர் பகுதியில் குண்டும் குழியுமான சாலையை பாஜகவினர் லாரியில் சரல் மண் கொண்டு சீர்படுத்தும் பணியில் ஈடுபட்டனர். இந்நிகழ்ச்சியில் மாநில ஓபிசி அணி பொறுப்பாளர் சுவைதர், வழக்கறிஞர் பிரிவு பொறுப்பாளர் நாகராஜன், பாஜக பொறுப்பாளர்கள் சொக்கலிங்கம், சிவா, பழக்கடை ராஜி உட்பட பலர் கலந்து கொண்டனர்.