» செய்திகள் - விளையாட்டு » சிறப்பு செய்திகள்

மருத்துவக் கல்லூரிகளுக்கு திமுக அரசு சொந்தம் கொண்டாடுவதா? எடப்பாடி பழனிசாமி கண்டனம்

புதன் 12, ஜனவரி 2022 10:54:20 AM (IST)

அதிமுக ஆட்சியில் கொண்டு வரப்பட்ட 11 மருத்துவக் கல்லூரிகளை திமுக அரசு கொண்டு வந்ததுபோல, சொந்தம் கொண்டாடுவதாகக் கூறி எதிா்க்கட்சித் தலைவா் எடப்பாடி பழனிசாமி கண்டனம் தெரிவித்தாா்.

இது தொடா்பாக அவா் வெளியிட்ட அறிக்கை: அதிமுக அரசு ஒரே ஆண்டில் 11 மருத்துவக் கல்லூரிகளுக்கு மத்திய அரசின் அனுமதி பெற்று கட்டடம் கட்டுவதற்கான நிதியையும் ஒதுக்கியது. விருதுநகா், நாமக்கல், நீலகிரி, திருப்பூா், திருவள்ளூா், நாகப்பட்டினம், திண்டுக்கல், கள்ளக்குறிச்சி, அரியலூா், ராமநாதபுரம் மற்றும் கிருஷ்ணகிரி ஆகிய 11 மாவட்டங்களுக்கு நானும், மத்திய சுகாதாரத் துறை அமைச்சரும், சில மாவட்டங்களுக்கு மற்ற அமைச்சா்களும் நேரடியாகச் சென்று மருத்துவக் கல்லூரி மற்றும் மருத்துவமனை பூமி பூஜை விழாவில் கலந்து கொண்டோம்.

11 புதிய மருத்துவக் கல்லூரிகள் தொடங்கப்படுவதன் மூலம் 1,450 மருத்துவ இடங்கள் கூடுதலாக உருவாக்கப்பட்டுள்ளன. இதன்மூலம், ஏற்கெனவே அரசுப் பள்ளி மாணவா்களுக்காக அதிமுக அரசு கொண்டு வந்த 7.5 சதவீத உள் ஒதுக்கீட்டின் மூலம் கூடுதலாக, சுமாா் 109 ஏழை, எளிய, கிராமப்புற மாணவா்களின் மருத்துவக் கனவு நிறைவேறவுள்ளது.

இந்த மருத்துவக் கல்லூரிகளை காணொலி காட்சி வாயிலாக பிரதமா் திறந்து வைக்கவுள்ளாா். ஆனால், இந்த மருத்துவக் கல்லூரிகளை திமுக அரசுதான் கொண்டு வந்ததுபோல காட்ட முயற்சிக்கிறது. இதைக் கண்டிக்கிறேன். இனியாவது திமுக அரசு அடுத்தவா்கள் பெற்றெடுத்த குழந்தைக்குச் சொந்தம் கொண்டாடாமல் இருக்க வேண்டும் என்று அவா் கூறியுள்ளாா்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads



Thoothukudi Business Directory