» செய்திகள் - விளையாட்டு » அரசியல்
பிறப்பு, இறப்பு பதிவில் காலதாமதக் கட்டணத்தில் இருந்து விலக்கு: முதல்வர் ஸ்டாலின் அறிவிப்பு
செவ்வாய் 8, ஜூன் 2021 5:00:40 PM (IST)
கடந்த ஆண்டு ஜனவரி முதல் காலந்தாழ்வு பதிவு விண்ணப்பங்களுக்கு காலதாமதக் கட்டணத்தில் இருந்து விலக்கு அளிக்கப்படும் என முதல்வர் ஸ்டாலின் அறிவித்துள்ளார்.
இது தொடர்பாக தமிழக அரசு வெளியிட்ட செய்திக்குறிப்பு : பிறப்பு, இறப்பு பதிவில் காலதாமதக் கட்டணத்தில் இருந்து விலக்கு அளிக்கப்படும். காலதாமதக் கட்டண விலக்கினால் உள்ளாட்சி அமைப்புகளுக்கு ஏற்படும் வருவாய் இழப்பை தமிழக அரசு ஈடு செய்யும்.
21-30 நாட்கள் வரையிலான காலதாமதக் கட்டணம் ரூ.100, 30 நாட்கள் - 1 ஆண்டு வரையிலான காலதாமதக் கட்டணம் ரூ.200, 1 ஆண்டுக்கு மேலான காலதாமதக் கட்டணம் ரூ.500 ஆக வசூலிக்கப்பட்டு வந்த நிலையில் காலதாமதக் கட்டணத்தில் இருந்து விலக்கு அளிக்கப்பட்டுள்ளது. கடந்த ஆண்டு ஜனவரி முதல் காலந்தாழ்வு பதிவு விண்ணப்பங்களுக்கு காலதாமதக் கட்டணத்தில் இருந்து விலக்கு அளிக்கப்படும். இவ்வாறு அவர் கூறி உள்ளார்.