பாலா இயக்கத்தில் இணையும் கலைஞரின் பேரன்கள்?

கலைஞர் கருணாநிதியின் பேரன்கள் உதயநிதியும், அருள்நிதியும் பாலவின் இயக்கத்தில் இணைந்து நடிக்க உள்ளதாக தகவல் வெளியாகி உள்ளது. 

திமுக இளைஞரணி செயலாளரான உதயநிதி ஸ்டாலின், நடந்து முடிந்த சட்டமன்ற தேர்தலில் சேப்பாக்கம் தொகுதியில் போட்டியிட்டு அமோக வெற்றி பெற்று, எம்.எல்.ஏ.வாக தேர்வாகி உள்ளார். அரசியலில் பிசியாக இருந்தாலும், படங்கள் நடிப்பதிலும் கவனம் செலுத்தி வருகிறார் உதயநிதி. இவர் கைவசம் ஆர்டிகிள் 15 தமிழ் ரீமேக், கண்ணை நம்பாதே, ஏஞ்சல் போன்ற படங்கள் உள்ளன.

இந்நிலையில், உதயநிதியின் புதிய படம் குறித்த தகவல் வெளியாகி உள்ளது. அந்த படத்தை பிரபல இயக்குனர் பாலா இயக்க உள்ளதாகவும், இப்படத்தில் நடிகர் அருள்நிதியும் முக்கிய கதாபாத்திரத்தில் நடிக்க உள்ளதாகவும் தகவல்கள் வெளியாகி உள்ளது. இந்தக் கூட்டணி உறுதியானால் அவர்கள் இருவரும் இணைந்து நடிக்கும் முதல் படமாக இது அமையும். உதயநிதியும், அருள்நிதியும் மறைந்த திமுக தலைவர் கருணாநிதியின் பேரன்கள் என்பது குறிப்பிடத்தக்கது.