காசி தியேட்டரில் சீமராஜா படம் பார்த்த சிவகார்த்திகேயன்

சீமராஜா படத்தைப் பார்ப்பதற்கு வந்த ரசிகர்களை சந்தித்து அவர்களது மனநிலை எப்படி இருக்கிறது என்பதை தெரிந்துகொள்ள நடிகர் சிவகார்த்திகேயன் சென்னை காசி தியேட்டருக்கு வந்து ரசிகர்களுக்கு நன்றி தெரிவித்துள்ளார்.

விநாயகர் சதுர்த்தியை முன்னிட்டு இன்று உலகம் முழுவதும் வெளியாகியுள்ள தனது சீமராஜா படத்தை நேரில் சென்று பார்ப்பதற்கு நடிகர் சிவகார்த்திகேயன் காசி தியேட்டருக்கு வந்தார்.அவருடன் நடிகர் சூரியும் வந்தார். இரண்டு பேரையும் திரையரங்கு நிர்வாகம் சார்பில் சிறப்பான வரவேற்பளித்தனர். இமான் இசையமைத்துள்ள இப்படத்தில் சூரி, சிம்ரன், சமந்தா, நெப்போலியன் என்று நட்சத்திரங்கள் பலர் நடித்துள்ளனர். இப்படத்தில் சமந்தா சிலம்பம் கற்றுக்கொடுக்கும் ஆசிரியையாக நடித்துள்ளார். மேலும் ரசிகர்களுக்கு சிவகார்த்திகேயன் நன்றி தெரிவித்துள்ளார்.