பழம்பெரும் நடிகர் நீலு உடல்நலக் குறைவால் மரணம்

பழம்பெரும் நடிகர் நீலகண்டன்(82) என்கிற நீலு உடல்நலக் குறைவால் சென்னையில் மரணம் அடைந்தார். 

நீலகண்டன் ஜூலை 26, 1936-ஆம் ஆண்டு பிறந்த நீலுவின் பூர்வீகம் கேரளாவிலுள்ள மஞ்சேரி எனும் ஊர். நாடகத் துறையில் தனது ஏழாவது வயது முதற்கொண்டே நடிக்கத் தொடங்கியவர். நடிகர் சோவின் விவேக் பைன் ஆர்ட்ஸ் கிளப்பில் 50 ஆண்டுகள் இணைந்து பணியாற்றியவர். 

சுமார் 7,000க்கும் மேலான மேடை நாடகங்களில் நகைச்சுவை பாத்திரங்களில்  இவர் தோன்றி சாதனை புரிந்துள்ளார். திரைப்படங்களில் 1966-ஆம் ஆண்டு நடிக்கத் தொடங்கி  நடித்து வருபவர். இதுவரை 160 படங்களுக்கு மேல் நடித்து இருப்பவர்.அந்நியன், பம்மல் கே. சம்பந்தம், வீராப்பு, பெரியார் போன்ற  படங்களிலும் நடித்து உள்ளார் என்பது குறிப்பிடத்தக்கது. வயோதிகத்தால்உடல் நலம் பாதிக்கப்பட்டிருந்த நீலு இன்று சென்னையில் மரணம் அடைந்தார்.