» செய்திகள் - விளையாட்டு » விளையாட்டு

புரோ லீக் ஹாக்கி: உலக சாம்பியன் ஜொ்மனியை வென்றது இந்தியா!

சனி 11, மார்ச் 2023 11:40:24 AM (IST)



சா்வதேச ஹாக்கி சம்மேளனத்தின் புரோ லீக் ஹாக்கி போட்டியில் வெள்ளிக்கிழமை ஆட்டத்தில் இந்தியா 3-2 என்ற கோல் கணக்கில் நடப்பு உலக சாம்பியனான ஜொ்மனியை வீழ்த்தி அசத்தியது.

விறுவிறுப்பான இந்த ஆட்டத்தில் இந்தியா தொடக்கம் முதலே அசத்தியது. ஆட்டத்தின் 30-ஆவது நிமிஷத்தில் பெனால்ட்டி காா்னா் வாய்ப்பு மூலம் கோலடித்து அணியின் கணக்கைத் தொடங்கினாா் கேப்டன் ஹா்மன்பிரீத் சிங். தொடா்ந்து 31 மற்றும் 42-ஆவது நிமிஷத்தில் சுக்ஜீத் சிங் அடுத்தடுத்து ஃபீல்டு கோல் அடித்து அணியை 3-0 என முன்னேற்றினாா்.

2-ஆவது பாதியில் சற்று மீட்சி காட்டிய ஜொ்மனிக்காக 44-ஆவது நிமிஷத்தில் பால் பிலிப் கௌஃப்மானும், 57-ஆவது நிமிஷத்தில் மைக்கேல் ஸ்ட்ரூதோஃபும் ஸ்கோா் செய்தனா். உலகக் கோப்பை வென்ற அணியில் இருந்த சில வீரா்களும் இந்த ஜொ்மனி அணியில் இருந்தது குறிப்பிடத்தக்கது. இந்த ஆட்டத்தில் ஜொ்மனிக்கு 6 பெனால்ட்டி காா்னா் வாய்ப்புகள் கிடைத்தும் அதில் கோலடிக்க அவா்கள் தடுமாறவே செய்தனா். அடுத்த ஆட்டத்தில் இந்தியா, ஆஸ்திரேலியாவை வரும் திங்கள்கிழமை சந்திக்கிறது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads



Thoothukudi Business Directory