» செய்திகள் - விளையாட்டு » விளையாட்டு

சீனிவாச கவுடாவின் சாதனையை மற்றொரு கம்பளா வீரர்: 143 மீட்டர் தூரத்தை 13.61 வினாடிகளில் கடந்தார்

புதன் 19, பிப்ரவரி 2020 5:28:38 PM (IST)



கம்பளா போட்டியில் 143 மீட்டர் தூரத்தை 13.61 வினாடிகளில் கடந்து சீனிவாச கவுடாவின் சாதனையை மற்றொரு கம்பளா வீரர் முறியடித்துள்ளார். அவர் தன்னை ‘உசேன் போல்ட்டுடன் ஒப்பிடுவது சரியானது அல்ல’ என்று கூறினார்.

கம்பளா போட்டி கர்நாடகத்தின் கடலோர மாவட்டங்களான உடுப்பி, தட்சிணகன்னடா, கார்வார் ஆகிய பகுதிகளில் பாரம்பரியமாக கொண்டாடப்பட்டு வருகிறது. சேறு சகதியுமான பகுதியில் எருதுகளை உழவில் கட்டிக் கொண்டு இலக்கை நோக்கி ஓடுவதே கம்பளா போட்டி ஆகும். இதில் குறைந்த நேரத்தில் இலக்கை அடையும் வீரர் வெற்றி பெற்றவராக அறிவிக்கப்படுவார். இந்த நிலையில் கடந்த 1-ந்தேதி உடுப்பி அருகே இலகலில் நடந்த கம்பளா போட்டியில் தட்சிண கன்னடா மாவட்டம் மூடபித்ரி தாலுகா மீஜார் அஸ்வத்புராவை சேர்ந்த கம்பளா போட்டி வீரர் சீனிவாச கவுடா (வயது 29) என்பவர் கலந்துகொண்டார்.

இந்த போட்டியில் சீனிவாசகவுடா சேறு, சகதியுமான பந்தய பாதையில் 142.5 மீட்டர் இலக்கு தூரத்தை 13.62 வினாடிகளில் மாடுகளை ஓட்டிச் சென்று முதல் பரிசை வென்றார். அதாவது ஒலிம்பிக் போட்டியில் 100 மீட்டர் ஓட்டப்பந்தயத்தில் ஜமைக்காவின் உசேன் போல்ட் பந்தய தூரத்தை 9.58 வினாடிகளில் கடந்து உலக சாதனை படைத்துள்ளார். அதுபோல் கம்பளா போட்டியில் 142.5 மீட்டர் பந்தய தூரத்தை 13.62 வினாடிகளில் கடந்து சீனிவாச கவுடா சாதனை படைத்துள்ளார். சீனிவாச கவுடா பந்தய தூரத்தை கடக்க சென்ற வேகத்தின் அடிப்படையில் 100 மீட்டர் தூரத்தை 9.55 வினாடிகளில் கடந்திருப்பதாகவும், அவர் உசேன் போல்ட்டின் சாதனையை முறியடித்து இருப்பதாகவும் கம்பளா போட்டியின் நடுவர்கள் குழுவினர் தெரிவித்துள்ளனர்.

இந்த நிலையில் கடந்த 16-ந்தேதி மங்களூரு வேனூர் பகுதியில் கம்பளா போட்டி நடைபெற்றது. இந்த போட்டியில் பங்கேற்ற பஜகோலி ஜோகிபெட்டு பகுதியை சேர்ந்த நிஷாந்த் ஷெட்டி என்பவர் சீனிவாச கவுடாவின் சாதனையை முறியடித்துள்ளார். அதாவது, சீனிவாச கவுடா 142.5 மீட்டர் தூரத்தை 13.62 வினாடிகளில் கடந்தார். ஆனால் நிஷாந்த் ஷெட்டி 143 மீட்டர் தூரத்தை 13.61 வினாடிகளில் கடந்துள்ளார். அதாவது, நிஷாந்த் ஷெட்டி பந்தய தூரத்தை கடக்க சென்ற வேகத்தின் அடிப்படையில் 100 மீட்டர் தூரத்தை 9.52 வினாடிகளில் கடந்து புதிய சாதனை படைத்துள்ளார்.

இதன் மூலம் சக கம்பளா வீரா் சீனிவாச கவுடாவின் சாதனையை 2 வாரங் களுக்குள் நிஷாந்த் ஷெட்டி முறியடித்துள்ளார். நிஷாந்த் ஷெட்டி ஓட்டிச் சென்ற எருதுகள் ஒசபெட்டு பகுதியை சேர்ந்த கோபாலகிருஷ்ணா என்பவருக்கு சொந்தமானது என்பது குறிப் பிடத்தக்கது. 100 மீட்டர் தூரத்தை 9.52 வினாடிகளில் கடந்த சீனிவாசகவுடா, ஜமைக்காவின் உசேன்போல்ட் சாதனைகளை முறியடித்த நிஷாந்த் ஷெட்டிக்கு சமூக வலைத்தளங்களில் பாராட்டு குவிகிறது.

இந்த சாதனை குறித்து கம்பளா வீரர் நிஷாந்த் ஷெட்டி கூறுகையில், கம்பளா போட்டியில் புதிய சாதனை படைத்தது மகிழ்ச்சி அளிக்கிறது. ஆனால் ஜமைக்காவின் ஓட்டப்பந்தய வீரர் உசேன் போல்ட்டுடன் என்னை ஒப்பிடுவது சரியானது அல்ல. ஏனெனில் கம்பளா களத்துக்கும், ஓட்டப்பந்தய களத்துக்கும் அதிக வித்தியாசம் உள்ளது என்றார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads




Thoothukudi Business Directory