பேய் விரட்டுவதாக கூறி 7 வயது சிறுவன் அடித்து கொலை? தாய் உள்பட 3 பெண்கள் கைது

ஆரணி அருகே, பேய் விரட்டுவதாக கூறி 7 வயது சிறுவன் அடித்து கொலை செய்ததாக தாய் உள்பட 3 பெண்களை போலீசார் கைது செய்து விசாரணை நடத்தி வருகின்றனர்.

திருவண்ணாமலை மாவட்டம் ஆரணி அருகே பெற்றோருடன் வசித்து வந்த 7 வயது சிறுவனுக்கு சில நாட்களாக உடல்நிலை பாதிக்கப்பட்டிருந்தது. இதனையடுத்து சிறுவனுக்கு பேய் பிடித்ததாக கருதி, அவரது உறவினர்கள் சிறுவனை தாக்கியதாக கூறப்படுகிறது. இதில் படுகாயமடைந்த சிறுவன் கதறி அழுத போதும் தொடர்ந்து தாக்கியதாக கூறப்படுகிறது. இதில் அந்த சிறுவன் பரிதாபமாக உயிரிழந்தான். 

இது தொடர்பாக புகாரின் பேரில் சிறுவனின் தாய் உள்பட 3 பெண்களை கண்ணமங்கலம் போலீசார் கைது செய்தனர். மேலும் உயிரிழந்த சிறுவனின் உடலை பிரேத பரிசோதனைக்காக வேலூர் அரசு மருத்துவமனைக்கு அனுப்பி வைத்தனர். சிறுவனுக்கு மருத்துவ முறையில் உடல்நிலை சரி இல்லாததை பேய் பிடித்ததாக கூறி இரவு முழுவதும் அடித்தே கொலை செய்தாக புகார் அளிக்கப்பட்டுள்ளது. இதனிடையே, வலிப்பு வந்து சிறுவன் இறந்துவிட்டதாக கைதான மூன்று பெண்கள் வாக்குமூலம் அளித்துள்ளனர்.