» செய்திகள் - விளையாட்டு » தமிழகம்

தஞ்சை பெரியகோவில் குடமுழுக்கு விழாவை தமிழில் நடத்த வேண்டும்: மு.க.ஸ்டாலின்

ஞாயிறு 19, ஜனவரி 2020 9:14:49 AM (IST)

தஞ்சைப் பெருவுடையார் கோவில் திருக்குடமுழுக்கு விழாவினைத் தமிழில் நடத்திட வேண்டும் என திமுக தலைவர் மு.கஸ்டாலின்  வலியுறுத்தியுள்ளார்.

இது தொடர்பாக அவர் வெளியிட்ட அறிக்கை: வரும் பிப்ரவரி 5ஆம் நாள் நடைபெறவிருக்கும் தஞ்சை பெரிய கோவில் திருக்குடமுழுக்கு விழாவினைத் தமிழ் வழிபாட்டு முறையில் நடத்த வேண்டுகோள் விடுத்து,  தஞ்சைப் பெரியகோவில் உரிமை மீட்புக்குழு நடத்துகிற மாநாடு முன்வைத்திருக்கும் கோரிக்கை அனைவருடைய  கவனத்திற்குமானது.

திராவிடக் கட்டடக்கலை என உலக வரலாற்று ஆய்வாளர்களால் போற்றப்படும் தமிழரின் பண்பாட்டுச் சின்னமாக ஆயிரம் ஆண்டுகளைக் கடந்த பேரதியசமாக விளங்குகிறது, தஞ்சைப் பெருவுடையார் கோவில். அந்தப் பெருங்கோவிலைக் கட்டிய மாமன்னன் இராராசசோழன் சிலைக்கே கோவில் வளாகத்தில் இடம் கிடைக்கவில்லை என்பது, கடந்த கால வரலாறு. அதனால்தான், கோவிலருகிலேயே அதனைக் கட்டிய மாமன்னனின் சிலையை மக்கள் காணும் வண்ணம் நிறுவி, பூங்காவையும் அமைத்தார் முத்தமிழறிஞர் கலைஞர் அவர்கள் !

வரலாறு நெடுகிலும் தஞ்சைப் பெரிய கோவிலில் தமிழர்  பண்பாட்டின்  வழிபாட்டுமுறைகள் சிதைக்கப்பட்டு,  பிற பண்பாடுகளின் ஆதிக்கம் நுழைந்திருப்பதை உணர முடியும். அதை மாற்றி, தமிழ் வழிபாட்டு முறையை மீட்டெடுக்கும்  நோக்கில் தஞ்சைப் பெரிய கோவில் உரிமை மீட்புக்குழு, தமிழ் வழியில் குடமுழுக்கு நடத்திட வேண்டும் என வலியுறுத்துகிறது. கோவில்களில் தமிழ் வழிபாட்டையும் சமூக நீதியையும் நிலைநாட்டுவது என்பது தொடர்ச்சியான பண்பாட்டுப் போராட்டமாகும். முத்தமிழறிஞர் தலைவர் கலைஞர் அவர்கள் தலைமையிலான திராவிட முன்னேற்றக் கழக ஆட்சியில், தொன்மைமிக்க தமிழ்ப் பண்பாட்டு அடையாளங்களான பல கோவில்கள் திருப்பணி செய்யப்பட்டு, குடமுழுக்கு விழா நடைபெற்றது. "கும்பாபிஷேகம்" என்ற வடசொல்லை நீக்கி, "குடமுழுக்கு என்ற தமிழ்ச் சொல்லைப் பரவலாக்கியதும் கழக அரசுதான்.

தமிழில் அர்ச்சனை என்பதில் தொடங்கி, அனைத்து சமுதாயத் தமிழர்களும் அர்ச்சகர்களாவதற்கான சட்டம் வரை திருக்கோவில்களில் தமிழர் வழிபாட்டு முறையை நிலைநாட்டுவதில் தலைவர் கலைஞர் அவர்களின் அரசு உறுதியான முயற்சிகளை மேற்கொண்டதையும், அந்த முயற்சிகளுக்கு எதிராக நீதிமன்றங்களில் தொடரப்பட்ட வழக்குகளில் தி.மு.க அரசு நடத்திய சட்டப்போராட்டங்களையும் நாடறியும். தொல்தமிழர் பண்பாட்டு அடையாளங்களை மீட்டிடும் முயற்சிக்கான போராட்டங்கள் காலந்தோறும் வெவ்வேறு வடிவங்களில் தொடர்கின்றன. அந்த வகையில், தஞ்சைப் பெருவுடையார் கோவில் திருக்குடமுழுக்கு விழாவினைத் தமிழில் நடத்த வலியுறுத்தி நடைபெறும் இம்மாநாடு வெற்றியடைய வாழ்த்துகிறேன்.  இந்த மாநாட்டின் கோரிக்கையை அ.தி.மு.க. அரசு நிறைவேற்றிட வேண்டும் என விரும்புகிறேன். என திமுக தலைவர் மு.கஸ்டாலின்  வலியுறுத்தியுள்ளார்.


மக்கள் கருத்து

மக்கள்Jan 20, 2020 - 07:10:34 PM | Posted IP 162.1*****

மொதல்ல மூலப் பத்திரம் எங்கே ??? திருட்டு தெலுங்கன் சுடாலின்

குமார்Jan 20, 2020 - 01:27:51 PM | Posted IP 162.1*****

கடவுளே இல்லை என்பவர்களுக்கு கோவில் குடமுழுக்கு எப்படி நடந்தால் என்ன? எங்கள் கோவில் நாங்கள் பார்த்துக்கொள்கிறோம்....குடமுழுக்கு ஹிந்து பாரம்பரிய முறைப்படி நடக்கவேவேண்டும் என்பதே எங்களின் விருப்பம்....

இவன்Jan 20, 2020 - 07:19:09 AM | Posted IP 173.2*****

தெலுங்கு சர்வாதிகாரி சுடலை உளறுவாயன் தெலுங்கன் தான், பின் எப்படி தமிழனாக மாற முடியும் ??

ManiJan 19, 2020 - 05:13:10 PM | Posted IP 162.1*****

முதல்ல இந்துவா மாறு....அப்புறம் பேசு...

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads




Thoothukudi Business Directory