» செய்திகள் - விளையாட்டு » தமிழகம்

தமிழகத்தில் 9.97 லட்சம் பேர் எழுதிய 10ஆம் வகுப்பு தேர்வு முடிவுகள்: ஏப். 29-ல் வெளியீடு!!

புதன் 24, ஏப்ரல் 2019 12:24:08 PM (IST)

தமிழகத்தில் 9.97 லட்சம் மாணவ, மாணவிகள் எழுதிய பத்தாம் வகுப்பு பொதுத்தேர்வு முடிவுகள் ஏப்ரல் 29-ம் தேதி வெளியாகிறது. 

தமிழக பள்ளிக்கல்வித் துறையின் சமச்சீர் பாடத்திட்டத்தில் 10, 11, 12-ம் வகுப்புகளுக்கான பொதுத் தேர்வுகள் கடந்த மார்ச் 1-ல் தொடங்கி 29-ம் தேதி வரை நடைபெற்றது. இதில் பிளஸ் 2 வகுப்புக்கான தேர்வு முடிவுகள் கடந்த 19-ல் வெளியானது. தொடர்ந்து பத்தாம் வகுப்புக்கான தேர்வு முடிவுகள் வெளியிடும் பணிகள் இறுதிகட்டத்தில் உள்ளன. நடப்பாண்டு 10-ம் வகுப்பு தேர்வை மொத்தம் 9.97 லட்சம் மாணவ, மாணவிகள் எழுதினர்.

இவர்களுக்கான விடைத்தாள் திருத்தும் பணிகளும் கடந்த 1-ம் தேதி தொடங்கி 16-ம் தேதியுடன் முடிந்துவிட்டது. மாணவர்கள் மதிப்பெண்களை இணைய தளத்தில் பதிவேற்றம் செய்யும் பணிகளும் இப்போது நிறைவு பெற்றுவிட்டன.இதையடுத்து தேர்வர்களின் தற்காலிக மதிப்பெண் சான்றிதழ் தயாரிக்கும் பணிகளை தேர்வுத் துறை முடுக்கிவிட்டுள்ளது. இதனால் ஏற்கெனவே அறிவித்தபடி பத்தாம் வகுப்பு பொதுத்தேர்வு முடிவுகள் எந்த மாறுதலும் இல்லாமல் ஏப்ரல் 29-ம் தேதி வெளியிடப்படும். மாணவர்கள் பதிவு செய்த செல்போன் எண்களுக்கு குறுஞ்செய்தி மூலம் தேர்வு முடிவுகள், மதிப்பெண் விவரங்களுடன் அனுப்பப்படும் என்று தேர்வுத்துறை அதிகாரிகள் தெரிவித்தனர்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Temporary Advts

Sponsored Ads

Sterlite Industries (I) Ltd

Anbu Communications



Thoothukudi Business Directory