கொள்கை இல்லாத கூட்டணி தேர்தல் நேரத்தில் சிதறிவிடும்.: அமைச்சர் ஜெயக்குமார்

» செய்திகள் - விளையாட்டு » தமிழகம்

கொள்கை இல்லாத கூட்டணி தேர்தல் நேரத்தில் சிதறிவிடும்.: அமைச்சர் ஜெயக்குமார்

வியாழன் 6, டிசம்பர் 2018 12:50:41 PM (IST)

கொள்கை இல்லாத கூட்டணி எல்லாம் தேர்தல் நேரத்தில் சிதறிவிடும் என மீன்வளத்துறை அமைச்சர் ஜெயக்குமார் கூறினார்.

இதுகுறித்து அவர் இன்று சென்னையில் செய்தியாளர்களுக்கு அளித்த பேட்டியில், மேகதாது அணை விவகாரத்தில் நாடாளுமன்றத்தில் உரிய அழுத்தம் கொடுக்கப்பட்டு விவசாயிகளின் உரிமை காக்கப்படும். கஜா புயல் இழப்பீடு தொகையாக மத்திய அரசு முதற்கட்டமாக 350 கோடி ரூபாய் வழங்கியுள்ளது. மேலும் நிவாரணம் கேட்டு பெறப்படும்.

காவிரி உரிமையை பெற்றது அதிமுக அரசு மாநில உரிமையை எந்த விதத்திலும் தமிழக அரசு விட்டுக்கொடுக்காது. மத்திய அரசு மீது, தமிழக அரசு 2 நீதிமன்ற அவமதிப்பு வழக்குகளை தொடர்ந்துள்ளது திமுக எத்தனை வழக்குகள் தொடர்ந்துள்ளது? எங்களுடைய அடி நேராக நெத்தியடி தான். கொள்கை இல்லாத கூட்டணி எல்லாம் தேர்தல் நேரத்தில் சிதறிவிடும்.

மத்திய அரசை எதிர்த்து வரிகொடா இயக்கம் நடத்த வேண்டும் என ஸ்டாலின் கூறுவது கபட நாடகம். தமிழகத்திற்கு முழுமையாக மொட்டையடித்தவர்கள் வரிகொடா இயக்கம் பற்றி பேசுவது நகைப்புக்குரியது. ஐக்கிய முற்போக்கு கூட்டணியுடன் கூட்டணியில் இருந்த ஸ்டாலின் இப்படி கூற கூடாது. வரிகொடா இயக்கம் என்பது இந்திய இறையாண்மைக்கு ஏற்றுக்கொள்ள முடியாத கருத்து என அவர் கூறினார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: