அணுஉலை பராமரிப்புச்செலவு கணக்கை வெளியிட வேண்டும் : சுப.உதயகுமாரன் கோரிக்கை

கூடங்குளம் அணு உலை 109 நாள்கள் பராமரிப்பு செய்யப்பட்ட நிலையில் மூன்று நாளிலேயே முடங்கியதால், அதன் பராமரிப்புக்குச் செலவிடப்பட்ட தொகை குறித்த கணக்குகளை வெளியிட வேண்டும் என சுப.உதயகுமாரன் வலியுறுத்தியுள்ளார்.

கூடங்குளம் முதலாவது அணு உலையானது, 109 நாள்கள் பராமரிப்பு பணிகள் முடிந்து செயல்பட தொடங்கிய நிலையில் மூன்றே நாள்களில் மீண்டும் நிறுத்தப்பட்டது.இது தொடர்பாக அணு சக்திக்கு எதிரான மக்கள் கூட்டமைப்பின் ஒருங்கிணைப்பாளரான சுப.உதயகுமாரன் வெளியிட்டுள்ள அறிக்கையில், 109 நாள் பராமரிப்புக்குப் பிறகு, மூன்றே நாளில் மீண்டும் முடங்கியது கூடங்குளம் முதல் உலை. அதற்காக செலவிடப்பட்ட பராமரிப்புச் செலவுகள் குறித்த கணக்கு வழக்குகளை எல்லாம் மக்களுக்குச் சொல்லுங்கள். என தெரிவித்துள்ளார்.