» செய்திகள் - விளையாட்டு » தமிழகம்

ஜெ. மரணம் குறித்த விசாரணை ஆணையத்தில் 2வது நாளாக இன்றும் முன்னாள் ஆணையர் ஜார்ஜ் ஆஜர்!!

வியாழன் 14, ஜூன் 2018 11:34:41 AM (IST)

ஜெயலலிதா மரணம் தொடர்பான நீதிபதி அ.ஆறு முகசாமி தலைமையிலான விசாரணை ஆணையத்தில் சென்னை மாநகர முன்னாள் காவல் ஆணையர் எஸ்.ஜார்ஜ் இன்றும் ஆஜராகி சாட்சியம் அளிக்க விசாரணை ஆணையம் உத்தர விட்டுள்ளது.

முன்னாள் முதல்வர் ஜெயலலிதா மரணம் தொடர்பாக நீதிபதி அ.ஆறுமுகசாமி விசாரணை ஆணையம் விசாரித்து வருகிறது. ஜெயலலிதாவுக்கு சிகிச்சை அளித்த மருத்துவர்கள், ஜெயலலிதாவுடன் வேதா நிலையத்தில் தங்கி இருந்தவர்கள், காவல்துறை அதிகாரிகள், உறவினர்கள் உள்ளிட்டோரிடம் விசாரணை நடத்தப்பட்டு வருகிறது.

ஜெயலலிதா ஆட்சிக் காலத்திலும், அவர் மரணம் அடைந்தபோதும் சென்னை மாநகரக் காவல் ஆணையராக இருந்த எஸ்.ஜார்ஜ் தற்போது ஓய்வுபெற்றுவிட்ட நிலையில், அவரிடம் விசாரணை நடத்த விசாரணை ஆணையம் சம்மன் அனுப்பி இருந்தது. அதனைத் தொடர்ந்து நேற்று விசாரணை ஆணையத்தில் ஆஜரான ஜார்ஜ், நீதி பதியின் பல்வேறு கேள்வி களுக்கு பதில் அளித்தார். நேற்று பிற்பகல் 2.30 மணி முதல் மாலை 4 மணி வரை விசாரணை நடத்தப் பட்டது.

தொடர்ந்து, இன்றும் ஆஜராகி சாட்சியம் அளிக்க வேண்டும் என்று நீதிபதி ஆறுமுகசாமி உத்தரவிட்டுள்ளார். அதன்படி இன்றும் அவர் ஆஜராகி சாட்சியம் அளிக்க உள்ளார். மேலும் அப்போலோ மருத்துவமனை மருத்துவர்களான விக்ரம், ராஜ் மாதங்கி ஆகியோரும் ஆஜராகி சாட்சியம் அளிக்க உள்ளதாக விசாரணை ஆணையம் தெரிவித்துள்ளது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Temporary Advts

Sponsored Ads

Sterlite Industries (I) Ltd

Anbu Communications



Thoothukudi Business Directory