தூத்துக்குடி வெள்ளத்தின் போது கனிமொழி எம்.பி., எங்கே சென்றார்? வானதி சீனிவாசன்

தூத்துக்குடியில் ஏற்பட்ட வெள்ளத்தின் போது கனிமொழி எம்.பி., எங்கே சென்றார் என பாரதிய ஜனதா கட்சியின் மகளிர் அணி தேசியத்தலைவர் வானதி சீனிவாசன் எம்.எல்.ஏ., கேள்வி எழுப்பியுள்ளார்.

மத்திய அரசின் பட்ஜெட்டில் மகளிர் நலன் குறித்த கருத்தரங்கம் தூத்துக்குடி டி.எஸ்.எஃப்.ஹோட்டலில் வைத்து நடைபெற்றது. இதில், பாரதிய ஜனதா கட்சியின் மகளிர் அணி தேசியத்தலைவர் வானதி சீனிவாசன் எம்.எல்.ஏ., கலந்து கொண்டார்.

பின்னர், செய்தியாளர்களிடம் பேசிய அவர், பாரத பிரதமர் மோடி 3வது முறையாக சிறப்பான பட்ஜெட்டை தாக்கல் செய்துள்ளார். இந்த பட்ஜெட் அனைத்து தரப்பு மக்களுக்கும் நேரடியாக சென்றடையும் வகையில் அமைந்துள்ளது. பட்ஜெட்டில் தமிழ்நாட்டின் பெயர் குறிப்பிடவில்லை என்பதால் தமிழகத்திற்கு நிதி ஒதுக்கவில்லை என்பதில்லை. முத்ரா கடன் திட்டத்தில் மற்ற மாநிலங்களைவிட எண்ணற்ற ஏழை பெண்கள் பயனடைந்துள்ளனர்.

பிரதமர் மோடியின் ஆட்சியில் இந்தியா பொருளாதாரத்தில் 5வது வளரும் நாடாக திகழ்கிறது. திமுக ஆட்சியில் தங்களது குறைகளை மறைப்பதற்காக பிரதமர் மீது பொய்க்குற்றச்சாட்டுகளை வைக்கின்றனர். தமிழகத்திற்கு வெள்ள நிவாரன நிதி அளிக்கவில்லை என்று கூறுகின்றனர். ஏற்கனவே மத்திய அரசு தமிழக அரசிற்கு கொடுத்த பணத்திற்கு கண்க்கு சொல்ல மறுக்கின்றனர். தூத்துக்குடியில் ஏற்பட்ட வெள்ளத்தின் போது இங்குள்ள மக்களின் உயிர்களை காப்பாற்ற ராணுவ ஹெலிகாப்டர்களை அனுப்பி பொருட்களையும் வழங்கி மக்களை மீட்க ஏற்பாடு செய்தது நமது நிதியமைச்சர் தான். அப்போது கனிமொழி எங்கே சென்றார் என்று தெரியவில்லை என்றார்.

தூத்துக்குடி தெற்கு மாவட்ட தலைவர் சித்ராங்கதன், மாநில பொதுச்செயலாளர் பொன்பாலகணபதி, ஒபிசி அணி மாநில துணைதலைவர் விவேகம் ரமேஷ், மகளிர் அணி மாநில பொதுச்செயலாளர் நெல்லையம்மாள், மகளிர் அணி மாவட்டதலைவர் தேன்மொழி, மாவட்ட பொதுச்செயலாளர் ராஜா, மாவட்டபொருளாளர் சண்முகசுந்தரம், மாவட்ட துணை தலைவர்கள் சிவராமன், சரஸ்வதி, மாவ‌ட்ட செயலாள‌ர்கள் வீரமணி, கணல் ஆறுமுகம், ராஜபுணிதா, கல்வியாளர் பிரிவு மாவட்ட துனை தலைவர் சுதா, அழகர் பப்ளிக் பள்ளி தாளாளர் பிரியதர்ஷனி, பெண்தொழில் முனைவோர் கவிதா, ஆசை ஆரம்ப மற்றும் தொடக்கபள்ளி தாளாளர் சாந்தி  மற்றும் பலர் கலந்து கொண்டனர்.