பைக் மீது லாரி மோதிய விபத்தில் கல்லூரி மாணவி பலி : வாலிபர் படுகாயம்!

மார்த்தாண்டம் மேம்பாலத்தில் சென்ற போது கேரள மாநிலம் கொல்லத்திற்கு எம்.சான்ட் மணல் ஏற்றிக் கொண்டு வந்த டாரஸ் - பைக் மீது மோதியது. இந்த விபத்தில் மோட்டார் சைக்கிளில் சென்ற மாணவி ஷானிகாவும், வாலிபர் கிறிஸ்பினும் கீழே தூக்கி வீசப்பட்டனர். இதில் படுகாயமடைந்த ஷானிகா சம்பவ இடத்திலேயே பரிதாபமாக உயிரிழந்தார். படுகாயம் அடைந்த கிறிஸ்பினை போலீசார் மீட்டு குழித்துறை அரசு மருத்துவமனையில் சேர்த்தனர். 

பின்னர் அங்கிருந்து மேல் சிகிச்சைக்காக திருவனந்தபுரத்தில் உள்ள ஒரு மருத்துவமனைக்கு கொண்டு செல்லப்பட்டார். இதற்கிடையே உயிரிழந்த ஷானிகா உடலை போலீசார் கைப்பற்றி பிரேத பரிசோதனைக்காக அரசு மருத்துவமனைக்கு கொண்டு சென்றனர். மேலும் இதுதொடர்பாக வழக்குப்பதிவு செய்து விசாரணை நடத்தி வருகின்றனர். மோட்டார் சைக்கிள் மீது லாரி மோதிய விபத்தில் கல்லூரி மாணவி பலியான சம்பவம் அந்த பகுதியில் சோகத்தை ஏற்படுத்தியது.