தூத்துக்குடி துறைமுகத்தில் 10 டன் நிலக்கரியை கடத்த முயற்சி : பாேலீஸ் விசாரணை

இதுகுறித்து போலீஸ் தரப்பில் கூறப்படுவதாவது: தூத்துக்குடி வ.உ.சி., துறைமுகத்தில் தனியார் நிறுவனம் மூலம் ஆஸ்திரேலியாவில் இருந்து நிலக்கரி இறக்குமதி செய்யப்பட்டது. இந்த நிலக்கரியை எகிப்து நாட்டிற்கு கொண்டு செல்வதற்காக துறைமுகத்தின் 2வது தளத்தில் இருந்து 7வது தளத்திற்கு லாரி மூலம் கொண்டு செல்லும் பணி நடைபெற்றது. 

இந்நிலையில் நேற்று முன்தினம் இரவு 10 டன் நிலக்கரியுடன் லாரியை, டிரைவர் கிரீன்கேட் வழியாக கடத்த முயன்றுள்ளார். துறைமுக நுழைவு வாயிலில் பாதுகாப்பு அதிகாரிகள் சோதனையிட்டபோது லாரி டிரைவர் அங்கிருந்து தப்பியோடி விட்டார். இதுதொடர்பாக ஏற்றுமதி நிறுவன உரிமையாளர் தூத்துக்குடி முத்தம்மாள் காலனியைச் சேர்ந்த விஜயகுமார் மகன் விஜய ஆனந்த (45) என்பவர் நேற்று தெர்மல் நகர் காவல் நிலையத்தில் புகார் அளித்துள்ளார்.

அதன்பேரில் இன்ஸ்பெக்டர் தங்கராஜ் வழக்குப் பதிந்து விசாரணை நடத்தி வருகிறார். தலைமறைவான லாரி டிரைவர் தூத்துக்குடி முத்தையாபுரம் அயன்கோவில் தெருவைச் சேர்ந்த பிச்சையா மகன் காத்திக் குமார் (26) என்பவரை போலீசார் தேடி வருகின்றனர். கடத்த முயன்ற நிலக்கரியின் மதிப்பு ரூ.2.45 லட்சம் ஆகும். தூத்துக்குடி துறைமுகத்தில் லாரியுடன் நிலக்கரியை கடத்த முயன்ற சம்பவம் பரபரப்பை ஏற்படுத்தியுள்ளது.