குமரி மாவடத்தில் குரூப் 1 தேர்வு மையத்தில் ஆட்சியர் மா.அரவிந்த் ஆய்வு

ஒருங்கிணைந்த குடிமைப்பணிகள் தேர்வு (தொகுதி 1) பதவிகளுக்கான முதல்நிலைத் தேர்வினை மாவட்ட ஆட்சியர் மா.அரவிந்த், நேரில் பார்வையிட்டு ஆய்வு மேற்கொண்டார்.

கன்னியாகுமரி மாவட்டம், நாகர்கோவில் டதி பெண்கள் மேல்நிலைப் பள்ளியில் இன்று (19.11.2022) நடைபெற்ற தமிழ்நாடு அரசுப் பணியாளர் தேர்வாணையத்தால் நடத்தப்படுகின்ற ஒருங்கிணைந்த குடிமைப்பணிகள் தேர்வு (தொகுதி 1) பதவிகளுக்கான முதல்நிலைத் தேர்வினை மாவட்ட ஆட்சியர் மா.அரவிந்த், நேரில் பார்வையிட்டு, தெரிவித்ததாவது :– தமிழ்நாடு அரசுப்பணியாளர் தேர்வாணையத்தால் நடத்தப்படுகின்ற ஒருங்கிணைந்த குடிமைப்பணிகள் தேர்வு (தொகுதி 1) பதவிகளுக்கான முதல்நிலைத் தேர்வு இன்று அனைத்து மாவட்டங்களிலும் நடைபெறுகிறது. 

இத்தேர்வினை கன்னியாகுமரி மாவட்டத்தில் 7331 விண்ணப்பதாரர்கள் எழுதுகின்றனர். காலை 09.30 மணி முதல் பிற்பகல் 12.30 மணி வரை தேர்வு நடைபெறுகிறது. இத்தேர்வுக்காக 2 பறக்கும் படைகள், 6 இயக்க ஊர்திகள் (Mobile Unit) மற்றும் 22 ஆய்வு அலுவலர்கள் பணியமர்த்தப்பட்டுள்ளனர். 22 மையங்களுக்கும் காவல் துறை பாதுகாப்பு அளிக்கப்பட்டுள்ளது. மேற்படி தேர்வுக் கூடங்களில் 22 வீடியோகிராபர்கள் மூலம் தேர்வு தொடர்பான அனைத்து நடவடிக்கைகளும் பதிவு செய்ய நடவடிக்கை மேற்கொள்ளப்பட்டுள்ளது. மாவட்ட ஆட்சியர் அலுவலகத்தில் ஒரு கட்டுப்பாட்டு அறை அமைக்கப்பட்டுள்ளது. இவ்வாறு மாவட்ட ஆட்சியர் மா.அரவிந்த், தெரிவித்தார்கள்.