நேரடி பயிற்சிகளை கல்வித்துறை கைவிட வேண்டும்: தமிழ்நாடு ஆரம்ப பள்ளி ஆசிரியர் கூட்டணி!

இதுகுறித்து தமிழ்நாடு ஆரம்ப பள்ளி ஆசிரியர்  கூட்டணி மாவட்ட செயலாளர் செல்வராஜ் விடுத்துள்ள அறிக்கை : ஆசிரியர்கள், அரசு ஊழியர்களின் வாழ்வாதார கோரிக்கையான பழைய ஓய்வூதிய  திட்டத்தை அமல்படுத்திட வேண்டும். தமிழ்நாட்டில் இடைநிலை ஆசிரியர்களிடமிருந்து பறிக்கப்பட்ட மத்திய அரசு ஆசிரியர்களுக்கு இணையான  ஊதியத்தை மீண்டும் வழங்கிட வேண்டும். தமிழகத்தில் 50 ஆண்டுகளாக ஆசிரியர்களுக்கு வழங்கி வந்த உயர் கல்விக்கான ஊக்க ஊதிய உயர்வு மீண்டும் வழங்கப்பட வேண்டும்  என்பன உள்ளிட்ட பல்வேறு கோரிக்கைகளை வலியுறுத்தி வரும் 21ஆம்தேதி தமிழ்நாடு ஆரம்ப பள்ளி ஆசிரியர் கூட்டணி சார்பில்  மாநில செயற்குழு முடிவின்படி  மாநிலம் முழவதும் வட்டார கல்வி அலுவலகம் முன்பு  கவன ஈர்ப்பு ஆர்ப்பாட்டம் நடத்தப்பட உள்ளது. 

2019இல் ஜனவரி நடைபெற்ற ஜாக்டோ ஜியோ போராட்டத்தில் பங்கேற்றதற்காக பணி மாறுதல் செய்யப்பட்ட ஆசிரியர்களை கலந்தாய்வு முன்பாக அதே இடத்தில் பணியில் அமர்த்திட வேண்டும். கரோனா பெரும்தொற்று காலத்தில் ஆசிரியர்களுக்கு வழங்கப்படும்  நேரடி பயிற்சிகளை கல்வித்துறை கைவிட வேண்டும்   உள்ளிட்ட பல்வேறு கோரிக்கைகளை வலியுறுத்தி, சமுக இடைவெளியுடன் கரோனா நோய் தொற்று வழிக்காட்டுதளை பின்பற்றி தூத்துக்குடி மாவட்டத்தில் உள்ள அனைத்து வட்டார கல்வி அலுவலகங்கள் முன்பு கவன ஈர்ப்பு ஆர்ப்பாட்டம் நடைபெறுகிறது. இதில் ஆரம்பபள்ளி ஆசிரியர் கூட்டணி நிர்வாகிகள் பங்கேற்க வேண்டும் என தெரிவித்தார்.