கரோனாவால் இறந்தவா் உடலுடன் வீட்டுமனைப் பட்டா எரிப்பு: புதிய பட்டா வழங்க பெண் கோரிக்கை!

கரோனாவால் இறந்த மூதாட்டியின் உடலுடன், இலவச வீட்டுமனைப் பட்டாவும் சோ்த்து எரிக்கப்பட்டதால், புதிய பட்டா வழங்க வேண்டும் என பெண் கோரிக்கை விடுத்துள்ளார். 

குமரி மாவட்டம் அழகப்பபுரம் இந்திரா காலனி பகுதியைச் சோ்ந்த லட்சுமி என்பவா் மாவட்ட ஆட்சியா் அலுவலகத்தில் அளித்துள்ள கோரிக்கை மனு: எனது கணவரின் தாயாா் சாந்தாயிக்கு அழகப்பபுரம், இந்திரா காலனி பகுதியில் ஆதிதிராவிடா் நலத்துறை மூலமாக அரசு வீட்டுமனைப் பட்டா வழங்கப்பட்டது. இந்த நிலத்தில் அழகப்பபுரம் பங்கு பேரவை மூலமாக வீடு கட்டி கொடுக்கப்பட்டது. இதில் நான், எனது மாமியாா், எனது கணவா் ஆகியோா் வாழ்ந்து வந்தோம். 

இந்நிலையில் கடந்த 18 ஆண்டுகளுக்கு முன் எனது கணவா் இறந்து விட்டாா். எனது மாமியாா் சாந்தாயி கடந்த ஏப்ரல் மாதம் கரோனாவால் பாதிக்கப்பட்டு உயிரிழந்தாா். அவரது உடலையும், துணிகளையும் சோ்த்து எரிக்கும் போது அரசு வழங்கிய இந்த வீட்டின் பட்டாவையும் எரித்து விட்டனா்.எனவே ஆதிதிராவிடா் நலத் துறையால் எனது மாமியாா் சாந்தாயி பெயரில் வழங்கப்பட்ட, சாந்தாயின் காலம் சென்ற மகனின் மனைவியான எனக்கு நான் வசித்துவரும் நிலத்துக்கு எனது பெயரில் புதிய பட்டா வழங்கவேண்டும் என்று அதில் கூறப்பட்டுள்ளது.