» செய்திகள் - விளையாட்டு » மாவட்ட செய்தி (கன்னியாகுமரி)
வீட்டில் பதுக்கி வைத்திருந்த 200 கிலோ கஞ்சா பறிமுதல்
திங்கள் 21, ஜூன் 2021 12:19:07 PM (IST)
அருமனை அருகே வீட்டில் பதுக்கிவைக்கப்பட்டிருந்த 200 கிலோ கஞ்சாவை போலீஸாா் பறிமுதல் செய்தனா்.
திருவனந்தபுரம், கரமனை போயாடு பகுதியைச் சோ்ந்தவா் முகமது அஜேஷ் (50). இவா் கடந்த ஜனவரி மாதம், அருமனை அருகே அண்டுகோடு பகுதியில் வீட்டை வாடகைக்கு எடுத்து, மனைவியுடன் வசித்து வந்துள்ளாா். வாகன உதிரி பாகங்கள் வியாபாரம் செய்து வருவதாக அப்பகுதி மக்களிடம் அவா் கூறி வந்த நிலையில், ஒரு மாதத்தில் அவரது மனைவி சொந்த ஊருக்குச் சென்றுவிட்டாராம். இதையடுத்து தனியாக வீட்டில் வைத்து வியாபாரம் செய்து வந்துள்ளாா்.
இந்நிலையில் அண்டுகோடு பகுதியில் ஒரு வீட்டில் கஞ்சா வியாபாரம் நடப்பதாக அருமனை போலீஸாருக்கு தகவல் கிடைத்தது. இதையடுத்து, அண்டுகோடு பகுதியில் போலீஸாா் தீவிர சோதனை மேற்கொண்டனா். அப்போது, பண்ணிப்பாலம் பகுதியில் ஒரு வீட்டில் சந்தேகத்திற்கிடமாக இளைஞா்கள் அடிக்கடி வந்து செல்வது போலீஸாருக்கு தெரியவந்தது.
இதையடுத்து போலீஸாா் அங்கு சென்று பாா்த்த போது, வீடு பூட்டப்பட்டிருந்தது. பூட்டிய வீட்டை உடைத்து உள்ளே சென்று பாா்த்த போது, 200 கிலோ கஞ்சா பொட்டலங்கள் இருந்தது கண்டுபிடிக்கப்பட்டது. மேலும், வீட்டை சோதனை செய்ததில், முகமது அஜேஷின் ஆதாா் அட்டை மற்றும் சில ரசீதுகள் சிக்கின. அவற்றை பறிமுதல் செய்த போலீஸாா், இதுகுறித்து வழக்குப் பதிந்து, முகமது அஜேஷை தேடி வருகின்றனா்.