சாதிக்கொடி, ஆயுதங்களுடன் குலசை வரும் பக்தர்கள் : எஸ்பி நடவடிக்கை எடுக்க கோரிக்கை!!

தசரா திருவிழாவை பொறுத்தவரை, ஜாதி ரீதியாக பல்வேறு குழுக்களாக பிரிந்துள்ள பக்தர்கள் கோவிலுக்கு வரும் போது பிரச்சனை எழுகிறது. மேலும், ஈட்டி  உள்ளிட்ட  ஆயுதங்களை பயன்படுத்தக்கூடாது என்றும் சாதி அமைப்பை வெளிப்படுத்தக்கூடிய உடை,  கொடி உள்ளிட்டவைகளையும் சாதி உணர்வை தூண்டும் கோசங்களை எழுப்பக்கூடாது என பல்வேறு கட்டுப்பாடுகள் விதிக்கப்பட்டுள்ளது. ஆனால் திருவிழா நாட்களில் இதை முறையாக கடைப்பிடிப்பதற்காக எந்தவிதமான நடவடிக்கைகளையும் கடைப்பிடிப்பதில்லை. இதனால் தசரா திருவிழாவிற்கு வரும் பக்தர்கள் மத்தியில் அச்சத்தை ஏற்படுத்தியுள்ளது. எனவே  இதுபோன்று ஆயுதங்களால் வரும் பக்தர்களை முறையான இடத்தில் தடுத்து நிறுத்தி இதுபோன்ற மோதல்கள் ஏற்படாத வகையில் உரிய தூத்துக்குடி மாவட்ட எஸ்பி முரளி ரம்பா நடவடிக்கைகளை எடுத்திட வேண்டுமென பக்தர்கள் கோரிக்கை விடுத்துள்ளனர்.