பெண்கள், சிறுமிகளின் உரிமைகளை கடைபிடிக்க வேண்டும்: தலீபான்களுக்கு ஐ.நா. வேண்டுகோள்!

பெண்கள் மற்றும் சிறுமிகளின் உரிமைகளை கடைபிடிக்குமாறு தலீபான்களுக்கு ஐ.நா.சபையின் பொதுச் செயலாளர் வேண்டுகோள் விடுத்துள்ளார்.

பெண்கள் மற்றும் சிறுமிகளின் உரிமைகளை கடைபிடிப்பதில் தலீபான்கள் அளித்த வாக்குறுதியை கடைபிடிக்க வேண்டும் ஐ.நா.சபையின் பொதுச் செயலாளர் ஆண்டனியோ குட்ரெஸ் தெரிவித்துள்ளார். 

அவர் வெளியிட்ட அறிக்கையில், தலீபான்கள் ஆட்சி பொறுப்பேற்ற பின் பெண்கள், குழந்தைகள், சிறுபான்மையினர், முன்னாள் அரசு அலுவலகர்கள் உள்ளிட்ட ஆப்கன் குடிமக்களிடம் அவர்களின் உரிமைகள் பாதுகாக்கப்படும் என்று வாக்குறுதி அளித்திருந்தனர். அந்த வாக்குறுதிகளை கடைபிடிக்குமாறு தலீபான்களிடம் கடுமையாக வேண்டுகோள் விடுக்கிறேன். மேலும், சர்வதேச மனித உரிமைகள் மற்றும் மனிதாபிமான சட்டம் ஆகியவற்றின் கீழ் தங்கள் கடமைகளை நிறைவேற்ற வேண்டும் என்று கூறினார்.