ஆப்கானிஸ்தான் முன்னாள் துணை அதிபரின் சகோதரர் கொலை: தலீபான்கள் வெறியாட்டம்

ஆப்கானிஸ்தானில் தலீபான் பயங்கரவாதிகள் ஆட்சியை கைப்பற்றி இருக்கும் நிலையில், அங்கு விரைவில் புதிய அரசை அமைப்பதற்கான நடவடிக்கைகளை அவர்கள் மேற்கொண்டு வருகின்றனர். இது ஒருபுறம் இருக்க தலீபான்களின் அரசை ஏற்காத முன்னாள் துணை அதிபர் அம்ருல்லா சலே, தன்னைத்தானே ஆப்கானிஸ்தானின் அதிபர் என பிரகடனப்படுத்தி உள்ளார்.

அவரது சொந்த மாகாணமான பஞ்ச்ஷீரில் தலீபான்களுக்கும், எதிர்ப்பு படைகளுக்கும் இடையே தொடர்ந்து சண்டை நடந்து வருகிறது. இந்நிலையில் அம்ருல்லா சலேயின் மூத்த சகோதரரான ரோகுல்லா சலேயை தலீபான்கள் சிறைப்பிடித்துள்ளனர். பின்னர் அவரை சித்ரவதை செய்து கொலை செய்துள்ளதாக தகவல்கள் தெரிவித்து உள்ளன. அதேநேரம் அவரது உடல் உறவினர்களிடம் ஒப்படைக்கப்படவில்லை. 'அது அங்கேயே கிடந்து அழுக வேண்டும்' என தலிபான்கள் கூறியதாக அஸிசியின் உறவினர் தெரிவித்தார்.