» செய்திகள் - விளையாட்டு » இந்தியா

பாகிஸ்தான் பிரதமர் இம்ரான் கான் விமானம் இந்திய வான்வெளியில் பறக்க அனுமதி

செவ்வாய் 23, பிப்ரவரி 2021 3:49:29 PM (IST)

இலங்கை செல்லும் பாகிஸ்தான் பிரதமர் இம்ரான்கான் விமானம் இந்திய வான்வெளியில் பறக்க அனுமதி அளிக்கப்பட்டுள்ளதாக தகவல்கள் தெரிவிக்கின்றன.

பாகிஸ்தான் பிரதமர் இம்ரான்கான் இன்று இலங்கைக்கு சுற்றுப்பயணம் செல்கிறார். இந்தநிலையில் இம்ரான்கான் பயணிக்கும் விமானம் இந்திய வான்வெளியில் பறப்பதற்கு மத்திய அரசு அனுமதி வழங்கியுள்ளதாக தகவல் வெளியாகியிருக்கிறது. கடந்த 2019-ம் ஆண்டு இந்திய பிரதமர் மோடி அமெரிக்கா செல்வதற்கு அவர் பயணம் செய்த விமானம் பாகிஸ்தான் வான்வெளியை பயன்படுத்த பாகிஸ்தான் அரசு அனுமதி மறுத்தது.

காஷ்மீரில் மனித உரிமை மீறல் நடப்பதாக கூறி பிரதமர் மோடிக்கு அனுமதி மறுப்பதாக பாகிஸ்தான் தெரிவித்தது. ஆனாலும் சர்வதேச விதிகளின்படி இந்திய வான்வெளிக்குள் பாகிஸ்தான் பிரதமர் இம்ரான்கானின் விமானம் பறக்க இந்தியா அனுமதி வழங்கியிருப்பதாக கூறப்படுகிறது. முக்கிய தலைவர்கள் செல்லும் விமானங்கள் சர்வதேச வான்வெளியை பயன்படுத்த அனுமதி வழங்குவது வழக்கமான ஒன்றாகும்.

பாகிஸ்தான் பிரதமர் இம்ரான்கான் தனது இலங்கை சுற்றுப்பயணத்தில் அந்தநாட்டு பாராளுமன்றத்தில் உரை நிகழ்த்துவதாக இருந்தது. ஆனால் அந்த உரை நிகழ்ச்சியை ரத்து செய்வதாக இலங்கை அறிவித்தது. கொரோனா கட்டுப்பாடுகள் காரணமாக இம்ரான்கான் உரை நிகழ்ச்சி ரத்து செய்யப்பட்டதாக இலங்கை தெரிவித்தது. ஆனால் இலங்கை பாராளுமன்றத்தில் காஷ்மீர் விவகாரம் குறித்து இம்ரான்கான் பேசினால் இந்தியாவுடன் மனக்கசப்பு ஏற்படும் என்பதால் உரை நிகழ்ச்சி ரத்து செய்யப்பட்டதாக தகவல்கள் வெளியாகி உள்ளது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



Thoothukudi Business Directory